RTE ઓનલાઈન ફોર્મ ભરવા માટે નવી આવક મર્યાદા અને નવી સમય મર્યાદા
રાજ્ય સરકારે RTE હેઠળ શાળા પ્રવેશ માટેની આવક મર્યાદામાં અધધધ વધારો કર્યો છે.. શૈક્ષણિક વર્ષ ૨૦૨૫-૨૬માં આર.ટી.ઈ. હેઠળ પ્રવેશ માટે ઓનલાઈન ફોર્મ ભરવાની છેલ્લી તા.૧૬/૦૩/૨૦૨૫ના રાત્રીના ૧૨:૦૦ કલાક સુધી રાખવામાં આવેલ હતી. ઓનલાઈન અરજી કરવા માટે ગ્રામ્ય વિસ્તારમાં વાર્ષિક રૂ. ૧.૨૦ લાખ અને શહેરી વિસ્તારમાં રૂ. ૧.૫૦ લાખ આવક મર્યાદા હતી, જે શિક્ષણ વિભાગના તા. ૧૩/૦૩/૨૦૨૫ના પત્રથી મળેલ મંજુરી અન્વયે હવેથી ગ્રામ્ય તથા શહેરી વિસ્તાર બન્ને માટે વાર્ષિક રૂ. ૬ લાખ કરવામાં આવેલ છે. અને આથી, વાર્ષિક રૂ. ૬ લાખ કે તેથી ઓછી આવક ધરાવતા બાળકોના વાલીશ્રીઓ વેબસાઈટ પર તા. ૧૫/૦૪/૨૦૨૫, મંગળવાર સુધી ઓનલાઈન અરજી કરી શકશે. તથા અગાઉ કોઈ કારણસર અરજી ન કરી શકનાર અરજદારો પણ આ સમયગાળા દરમિયાન અરજી કરી શકશે.
RTE નવી સત્તાવાર જાહેરાત અને ટાઈમટેબલ નીચે મુજબ છે.
આ અગાઉ શિક્ષણ મંત્રીશ્રીએ સુરત ખાતે આવક મર્યાદા વધારવા અંગેના સંકેતો આપ્યા હતા પરંતુ હવે સરકારશ્રી દ્વારા સત્તાવાર જાહેરાત કરવામાં આવી છે અને ઉપરોક્ત જાહેરાત મુજબ ફોર્મ ભરવાની છેલ્લી તારીખ અને આવક મર્યાદાની નવી પૂરક જાહેરત પ્રસિધ્ધ કરવામાં આવી છે જેથી મહીને 50,000 એટલેકે વાર્ષિક 6 લાખ સુધીની આવક મર્યાદા વાળા પરિવારના બાળકો પણ હવે આ યોજનાનો લાભ લઈ શકશે અને ધોરણ 1 માં પ્રવેશ મેળવવા માટે ઓનલાઈન ફોર્મ ફરી શકશે.
વધુ વિગતો અને ઓનલાઈન અરજી માટેના સંપૂર્ણ પ્રોગ્રામ જોવા ઓફીશીય વેબસાઈટની મુલાકાત લેવી. અંતમાં વેબસાઈટ આપેલ છે.
ફોર્મ ભરવા માટે ના આવશ્યક દસ્તાવેજો
| ક્રમ | દસ્તાવેજનું નામ | માન્ય આધાર-પુરાવાની વિગત |
| 1 | રહેઠાણ નો પુરાવો | – આધારકાર્ડ / પાસપોર્ટ / વીજળી બિલ / પાણી બિલ /ચૂંટણી કાર્ડ / રેશન કાર્ડ જો ઉપર મુજબનાં આધાર પૈકી કોઈ એક આધાર હોય તો, રજીસ્ટર્ડ ભાડા કરારની જરૂર રહેતી નથી. – જો ઉપર મુજબનાં આધાર પૈકી એક પણ આધાર ન હોય તેવા સંજોગોમાં રજીસ્ટર્ડ ભાડા કરાર – ગુજરાત સ્ટેમ્પ એક્ટ ૧૯૫૮ મુજબ નોંધાયેલ ભાડાકરાર માન્ય ગણવામાં આવશે. (નોટોરાઈઝ્ડ ભાડા કરાર માન્ય ગણાશે નહીં) |
| 2 | વાલીનું જાતીનું પ્રમાણપત્ર | મામલતદારશ્રી અથવા સમાજ કલ્યાણ અધિકારી, તાલુકા વિકાસ અધિકારી અથવા સક્ષમ સત્તાધિકારીનું પ્રમાણપત્ર |
| 3 | જન્મનું પ્રમાણપત્ર | ગ્રામ પંચાયત/નગર પાલિકા , મહાનગર પાલિકા, જન્મ/હોસ્પિટલ નોંધણી પ્રમાણપત્ર / આંગણવાડી , બાલવાડી નોંધણી પ્રમાણપત્ર / માતા-પિતા કે વાલીનું નોટોરાઈઝડ સોગંદનામું |
| 4 | ફોટોગ્રાફ | પાસપોર્ટ સાઈઝ કલર ફોટોગ્રાફ |
| 5 | વાલીની આવકનું પ્રમાણપત્ર | આવકનો દાખલો મામલતદારશ્રી અથવા તાલુકા વિકાસ અધિકારીશ્રીનું પ્રમાણપત્ર માન્ય રહેશે. ગ્રામ્ય કક્ષાએ ઈ-ગ્રામ પંચાયતનો તલાટી દ્વારા આપવામાં આવેલ આવકનો દાખલો માન્ય ગણવામાં આવશે અને તે તા. ૦૧/૦૪/૨૦૨૨ પછીનો જ માન્ય ગણાશે. |
| 6 | બીપીએલ | ૦ થી ૨૦ આંક સુધીની BPL કેટેગરીમાં આવતા વાલીએ ગ્રામ્ય વિસ્તાર માટે તાલુકા વિકાસ અધિકારી અથવા નિયામકશ્રી, જિલ્લા ગ્રામ વિકાસ એજન્સીનો દાખલો રજુ કરવાનો રહેશે જ્યારે શહેર વિસ્તાર માટે મહાનગરપાલિકાના કિસ્સામાં નાયબ મ્યુનિસિપલ કમિશ્નર અથવા મહાનગર પાલિકાએ અધિકૃત કરેલ સક્ષમ અધિકારીનો દાખલો, નગરપાલિકા વિસ્તારમાં નગર પાલિકાના ચીફ ઓફિસરનો દાખલો અને નોટીફાઈડ વિસ્તારમાં મુખ્ય કારોબારી અધિકારી અથવા વહીવટી અધિકારીનો દાખલો રજુ કરવાનો રહેશે. |
| 7 | વિચરતી જાતિઓ અને વિમુકત જનજાતિઓ | મામલતદારશ્રી અથવા સમાજ કલ્યાણ અધિકારી, તાલુકા વિકાસ અધિકારી અથવા સક્ષમ સત્તાધિકારીનું પ્રમાણપત્ર |
| 8 | અનાથ બાળક | જે તે જીલ્લાની ચાઈલ્ડ વેલ્ફેર કમિટી (CWC) નું પ્રમાણપત્ર |
| 9 | સંભાળ અને સંરક્ષણની જરૂરિયાતવાળું બાળક | જે તે જીલ્લાની ચાઈલ્ડ વેલ્ફેર કમિટી (CWC) નું પ્રમાણપત્ર |
| 10 | બાલગૃહના બાળકો | જે તે જીલ્લાની ચાઈલ્ડ વેલ્ફેર કમિટી (CWC) નું પ્રમાણપત્ર |
| 11 | બાળમજૂર / સ્થળાંતરીત મજુરના બાળકો | જે તે જીલ્લાના લેબર અને રોજગાર વિભાગનું શ્રમ અધિકારીનું પ્રમાણપત્ર |
| 12 | સેરેબ્રલી પાલ્સી વાળા બાળકો | સિવિલ સર્જન પ્રમાણપત્ર |
| 13 | ખાસ જરૂરિયાતવાળા બાળકો (દિવ્યાંગ) | સિવિલ સર્જનનું પ્રમાણપત્ર (લઘુતમ 40%) |
| 14 | (ART) એન્ટિ-રેટ્રોવાયરલ થેરેપીની સારવાર લેતા બાળકો | સિવિલ સર્જન પ્રમાણપત્ર |
| 15 | શહીદ થયેલ જવાનના બાળકો | સંબંધિત ખાતાના સક્ષમ અધિકારીનો દાખલો |
| 16 | સંતાનમાં એક માત્ર દીકરી હોય તે કેટેગરી માટે | ગ્રામ્ય વિસ્તાર માટે તલાટી કમ મંત્રીશ્રી, નગરપાલિકા વિસ્તાર માટે ચીફ ઓફિસર અને મહાનગરપાલિકા વિસ્તાર માટે સક્ષમ અધિકારીનો એક માત્ર દીકરી જ સંતાન (સિંગલ ગર્લ ચાઈલ્ડ) હોવાનો દાખલો |
| 17 | સરકારી આંગણવાડીમાં અભ્યાસ કરતાં બાળકો | સરકારી આંગણવાડીમાં ઓછામાં ઓછા 2 વર્ષ અભ્યાસ કરેલ હોય અને ICDS-CAS વેબપોર્ટલ પર જે વિદ્યાર્થીઓના નામ નોંધાયેલ હોય તેવા વિદ્યાર્થીઓએ જે તે આંગણવાડીમાં અભ્યાસ કરેલ છે તે મતલબનું સબંધિત આંગણવાડીનાં આંગણવાડી વર્કર અથવા સરકારશ્રી દ્વારા પ્રમાણિત કરેલ દાખલો રજુ કરવો. |
| 18 | બાળકનું આધારકાર્ડ | બાળકના આધારકાર્ડની નકલ |
| 19 | વાલીનું આધારકાર્ડ | વાલીના આધારકાર્ડની નકલ |
| 20 | બેંકની વિગતો | બાળક કે વાલીના બેંક ખાતાની પાસબુકની ઝેરોક્ષ |
| 21 | સેલ્ફ ડિક્લેરેશન | પાન કાર્ડ(PAN CARD) ન ધરાવતા / પાન કાર્ડ(PAN CARD) ધરાવતા હોય પરંતુ ઈન્કમટેક્ષ રીટર્ન ભરેલ ન હોય તે કિસ્સામાં આવકવેરાને પાત્ર આવક ન થતી હોવા અંગેનું નિયત નમૂનાનું સેલ્ફ ડિક્લેરેશન ઓનલાઈન ફોર્મ ભરતી વખતે ફરજીયાત અપલોડ કરવાનું રહેશે. |
APPLY ONLINE માત્ર https://rte.orpgujarat.com/ દ્વારા જ ઓનલાઈન અરજી કરી શકાશે.
RTE Admission 2025 ધ્યાનમાં રાખવાની બાબતો.
- ઓનલાઈન ફોર્મ ભરતા/ભરાવતા પહેલા લાગુ પડતા સંપૂર્ણ ડોક્યુમેન્ટ જોઇ લેવા.
- જન્મદાખલા મુજબ બાળકની ઉમર 1 જૂન 2025ના રોજ 6 વર્ષ થયેલ છે કે નહીં તેની ખાતરી કરી લેવી.
- ઓનલાઈન ફોર્મ ભરતી વખતે માહિતી સ્પેલીંગ સહિત ચેક કરવી.
- બાળકનું નામ સરનામુ, માતા પિતાની વિગતો, આવકની વિગતો ઘ્યાનથી ભરવી
- ઓનલાઈન ફોર્મ માં અસલ દસ્તાવેજ (અસલ ડોક્યુમેન્ટ) સ્કેન કરી અપલોડ કરવાના છે ઝાંખા અથવા ફોટોકોપી (ઝેરોક્ષ ) હશે તો ફોર્મ રીજેક્ટ થશે.
- ફોર્મ સબમીટ કરતા પહેલા સંપૂર્ણ વિગતો અને ડોક્યુમેન્ટ અપલોડ ચેક કરી લેવા.
- પસંદગીની શાળાઓ ક્રમ મુજબ ગોઠવવી.
- ફોર્મ ભર્યા બાદ સુધારો થઈ શકશે નહીં.
- ઓનલાઈન ફોર્મ ભરવાની અંતિમ તારીખ સુધીમાં ભૂલ જણાય તો જુનુ ફોર્મ ઓટીપી દ્વારા ડિલેટ કરી નવું ભરી શકાશે.
- ડોક્યુમેન્ટ ચકાસણી બાદ ભરેલ ફોર્મ મંજૂર કરેલ છે કે નહીં (એટલે કે ભરેલ ફોર્મ વિગતો અને ડોક્યુમેન્ટ માન્ય છે કે નહીં એમ સમજવું) એની મેસેજ દ્વારા જાણ કરવામાં આવે છે.
- પાછલા વર્ષોમાં આ ટાઈમટેબલમાં ટેકનીકલ કારણોસર ફેરફાર કરવામાં આવેલ જેથી ફોર્મ ભરાયા બાદ ઓફીશીયલ વેબ સાઈટની મુલાકાત લેતા રહેવું. અથવા અમારી વેબસાઈટ www.newinfohub.com જોતા રહેવું. અમે આપને સતત અપડેટ આપવાનો પ્રયત્ન કરીશું.
વધુ માહિતી અને સુચના તેમજ ધ્યાનમાં રાખવાની દરેક બાબતો માટે ઓફીશીયલ વેબ સાઈટ પર જઈ સંપૂર્ણ વિગતો સમજી લેવી.
ઓફીશીયલ વેબ સાઈટ – https://rte.orpgujarat.com/
સંદર્ભ – ઉપર દર્શાવેલ માહિતીની મોટાભાગની વિગતો https://rte.orpgujarat.com/ થી લેવામાં આવેલ છે.
આ ફોર્મ તમે સાયબરકાફે તેમજ ઓનલાઈન સેન્ટર દ્વારા અથવા જાતે ભરી શકો છો.
દરેક પ્રકારની સરકારી વિવિધ યોજનાઓ તેમજ સરકારી લોન યોજના, સરકારી ભરતી વિશે જાણવા માટે અમારી વેબસાઈટ
www.newinfohub.com ની મુલાકાત જરૂર કરવી.
